ملازمین سےمتعلق حکومتی قانون سے بچنے کے لیےحیلے اختیار کرنا

سوال

ہمیں اپنی کمپنی میں اپنے ور کر ز کے متعلق چند مسائل کے جواب درکار ہیں:
ہمارے یہاں تین قسم کے لوگ ملازم ہیں :
1) پر میننٹ (مستقل)
2) ٹیمپریری (عارضی)
3) ڈیلی و یجز (روزانہ اجرت کی بنیاد پر کام کرنے والے)

حکومت کی طرف سے قانون ہے کہ جس ملازم نے ملازمت کا ایک خاص دورانیہ مثلا تین ماہ مکمل کر لئے ہوں اس کو مستقل کرناضروری ہے اور مستقل ملازم کوبعض ایسے فوائد حاصل ہوتے ہیں جو عارضی ملازم کو حاصل نہیں ہوتے مثلا گر یجویٹی اور بونس ملناوغیرہ۔

اب صور تحال یہ ہے کہ ہمارے یہاں باوجود اس قانون کا علم ہونے کے ملازم کو اس مخصوص دورانیہ کے بعد بھی مستقل نہیں کیا جاتا بلکہ عارضی بنیادوں پرہی کام لیا جاتا ہے اس صور تحال میں درج ذیل اور جواب طلب ہیں:

(1)۔۔۔ گورنمنٹ کے اس قانون کا کیا حکم ہے اور ہمارے لیے اس قانون پر عمل کرنا کس حد تک لازم ہے، جبکہ ملازم ہماری شرائط کےمطابق ملازمت کرنے پرراضی بھی ہے۔

(2)۔۔۔اب تک تین ملازمین کو ان کے مخصوص دورانیہ کے گزرنے کے باوجود مستقل نہیں کیا گیا، آیا ایسے ملازمین کو گزشتہ تمام عرصے کی مستقل ملازمین والی مراعات دینا ضروری ہو نگی۔ جبکہ معاہدہ میں ایسی کوئی چیز طے نہیں ہوئی تھی۔

(3)۔۔۔بعض ادارے گور نمنٹ کے اس قانون سے بچنے کے لئے یہ حیلہ اختیار کرتے ہیں کہ ایسے تمام عارضی ملازمین کو گورنمنٹ کے متعین کردہ دورا نیہ کےپورا ہونے سے ایک دودن پہلے فارغ کر دیتے ہیں اور پھر جو ملاز مین دوبارہ ملازمت کے خواہشمند ہوں ان سے درخواستیں وصول کرکے نیا ایگریمنٹ کرتےمیں اور اسی طرح ہر بار مذکورہ دورانیہ پو را ہونے سے پہلے یہ عمل دہراتے ہیں شرعاً اس حیلہ کا کیا حکم ہے؟

جواب

(1)۔۔۔۔ گورنمنٹ کا یہ قانون مصالح عامہ یعنی عوام الناس کے مفاد کے لیے ہے اس لیے اس پر عمل کرنا واجب ہے۔ حکومت کے عوامی مفاد میں جاری ہونےوالے قوانین کو ماننا ضرور ی ہوتا ہے چاہے فریقین باہم اس کے نہ ماننے پر راضی بھی ہوں۔ اگر ایسا نہیں کریں گے تو کمپنی مالکان گنہگار ہوں گے۔اگر چہ معاہدہ میں ایسی کوئی چیز طے نہیں تھی پھر بھی یہ قانون اس معاہدہ پر لاگو ہو گیا اس لیے کہ اس کا تعلق اس طرح کے تمام عقود سے بر اہِ راست ہےاب اگر کوئی عقد میں ذکر کرے یانہ کرے، دونوں صورتوں میں اس کی پابندی لازم ہے۔ اب تک کے گذشتہ تمام عرصہ کی مراعات بھی دینا لا ز م ہے تا کہ گناہ سے بچ سکے۔

(2 )۔۔۔حکومت نے یہ قوانین ملاز مین کے حقوق کے لیے بنائے ہیں اس لیےما لکان کو چاہیے کہ وہ بھی ملازمین کا بھر پور خیال رکھیں۔ ان کو کسی ہنر کی تربیت دے کر یا صدقات، خیرات اور ز کو ۃ کی وغیرہ سے ان کی مالی معاونت کر کے ان کی مالی مشکلات میں کمی کی دیانتدارانہ کو شش کرتے رہنا چا ہیے۔تاہم یہ حیلہ اختیار کرنے سے چو نکہ کمپنی مالکان قانونی لحاظ سے حکومتی احکام کی خلاف ورزی میں نہیں آتے اس لیے اس کی گنجائش ہے۔