المصباح علماء کرام اور بزنس کمیونٹی کے احباب پر مشتمل جماعت ہے جو کاروباری شعبوں میں دین کے احیاء کے لئے مصروفِ عمل ہے۔ المصباح کی سر پرستی حضرت مولانا ڈاکٹر زبیر اشرف عثمانی صاحب دامت برکا تہم سمیت جید علماء کرام فرمارہے ہیں ، اس وقت المصباح متعدد چھوٹے بڑے تجارتی اداروں میں شرعی رہنمائی کا فریضہ ادا کر رہا ہے۔ تاجر طبقے کی ذہن سازی، شرعی رہنمائی میں عملی معاونت، باصلاحیت علماء کرام کی افراد سازی، شعبوں سے متعلق نصاب اور شریعہ گائیڈ لائن تیار کرنا المصباح کے بنیادی اہداف میں سے ہے۔ المصباح کو ملک کے اہم مدارس اور ان کے دارالافتاء کی مشاورت اور مختلف مراحل میں جدید تعلیمی اداروں کے فنی ماہرین کا تعاون بھی حاصل ہے ۔